ГӀалгӀайчен викалаша новкъостал дир Пятигорскерча берашта
24.04.2025 16:51
СКФО гӀолла волча ГӀалгӀайчен викала гӀончас Ханукаев Романа вӀашагӀбеллар №10 йолча Берий цӀагӀа вахара бола болх, цига берашта бихьар тӀабувхабу гӀирс, совгӀаташ.
Кхетаче хилар, Сийлахь-боккхача Даьймехка тӀем тӀа Котало яьккха 80 шу дизара еча кийчонна цхьа дакъа дӀалоацаш. Из тӀадиллар ГӀалгӀайчен Кулгалхочо Келаматанаькъан Махьмуд-Ӏаьлас. Кхетаче дӀахьош берашта гойтар Сийлахь-боккхача тӀемах яьккха ролик, исторически дагалоаттам лелабара керттера дакъа дӀалоацаш йола.
