ГӀалгӀайчен викалаша дакъа лаьцар, СКФО, ЮФО архивашта хетаяьча кхетаче
Ставрополе хилар СКФО, ЮФО архивий урхалленаша дӀахьош хинна Ӏилман-методически кхетаче. Цу балха дакъа лоацаш бар ГӀалгӀайчен Паччахьалкхен архива кулгалхо Кхоартой Мухьмад; паччахьалкхен архива болхло Тоачанаькъан ИбрахӀим.
«Из хӀара шера дӀахьош йола лоархӀаме кхетаче я, цига дувц архивий гӀулакхаца дувзаденна дешаш, балха говзал дӀа-юха эц. Карарча шера из дӀайихьар Россе Президента хоамий, каьхатий Ӏалашон кулгалхочун гӀончас Серегин А.Ю., архивий Федеральни агентства кулгалхочун гӀончас Юрасов А.В, Ерригроссийски Ӏилма-тохкама, каьхатий, архивни гӀулакха института кулгалхочо Кюнга П.А., мехка дукхача архивий викалаша дакъа а лоацаш», - аьлар ГӀалгӀайчен Паччахьалкхен архиве.
Кхетачен доакъашхоша дийцар архивий каьхаташ таханарча хьалашка лорадарах йолча Ӏалашонах лаьца. Керттера терко тӀаяхийтар, архивий электронни болх Россе Соцганзаца цхьана лелабе безара.
Архивий кхетачена чудоагӀаш тематически герга истолаш, семинараш дӀайихьар.
