Мехкашта юкъерча кхетаче дакъа лоацаш, хилар вайцигара викалаш
29.02.2024 10:41
Ставрополерча МВЦ «МинводыЭкспо» яхача моттиге дӀайихьача российски- азербайджански мехкашта юкъерча кхетаче дакъа лоацаш хилар вай мехкара викалаш. Царна юкъе вар, юртбоахама гӀулакхех йолча министерствон кулгалхочун гӀонча вола Къоастой Ахьмад.
Из хоам «Сердало» газетага бир министерствон зарбан болх лелабераша. Россе, Азейрбаджано цхьана дӀахьоргйолча бизнесаца дувзаденнача гӀулакхех, цу оагӀонца дувзаденнача хаттарех, бувзам чӀоагӀбарах дийцар кхетаче.
«Истола гонахьа дийцар цига, юртбоахама даькъе цхьана, бувзам чӀоагӀбеш, дӀабихьача беркате хургболча балхах. Кхетаче йистейоалаш, хӀара оагӀон викалаша кулг яздаь, чӀоагӀо яь каьхаташ дӀа-хьа хувцаш моттиг йир кхетаче», - белгалдир республикерча юртбоахама болхлоша.
