ЦӀеча ЖӀарга викалаша говзанч-хьехам белар гӀалгӀай студенташта
Укх деношка, Ӏарпенаькъан Ю. А. цӀерагӀча колледже, Россе ЦӀеча ЖӀарга викалаш баха хилар цига дешаш болча студенташта лорий новкъосталах латта говзанч-хьехам бала, яхаш, дийцар «Сердало» газетага дешара моттиге.
«Цу юкъедоагӀаш дар, чоалхане хьал этта моттиг нийслойя, хьалхарча аргӀагӀа де дезар ховргдолаш йола лекцеш ешар, вахаре цох пайда мишта эцаргба дӀагойтар, малагӀа хьалхара гӀо де деза кулгашца. Бераша, дика а хеташ, дакъа лацар говзанч-хьехамашка, цига дийцар кхерамзлен, унахцӀенон дешаш, иштта говзанчашка хаттараш тийлар», - йоах хоамо.
Колледжа кулгалхоша баркал аьлар Российски ЦӀеча ЖӀарга, цо иштта дешара унахцӀенон даькъ тӀа новкъостал дарах.
Белгалдаккха дезаш да, студентий дика таро хилар хьалхара лорий гӀо-новкъостал Ӏомаде, цунцара лоархӀамедар довза.
