Сомий бешамаш ебаш латт
Представители Минсельхоза Ингушетии во главе с начальником отдела земледелия и растениеводства ведомства Зелимханом Оздоевым посетили сегодня место закладки нового фруктового сада в селе Яндаре Назрановского района, сообщает пресс-служба аграрного учреждения.
Сомий беш кхее аьнна шийна дIатIаийцар «Хьоашалнаькъан» яха юртбоахам ба. Цу гIулакха къоастадаьд 50 гектар лаьтта.
«30 гектар йолча лаьттан тIа «киргиз» яха, Iай кхачаш бола кхораш дIабийнаб оаха, 20 гектар «флорина» яхача Iажий гаьнаша дIалаьцай. Белгалде деза, уж сомаш вайцигарча сортах болга. Дала аьннадале, хьатIадоагIача шера укх лаьттара пхи тонн совгIа сомаш чуэцарга догдоахаш да тхо.
2025-ча шера 15 тоннага хьалтIадаргда аьнна хет тхона ер беркат, хIаьта 2026-ча шера 35-40 тонн Iажаши кхораши хила мег вайна хIара гектара тIара, Даьла къахетамца», — дийцар тхога цу юртбоахама кулгал деча Хьоашалнаькъан Iамархана. «Вай паччахьалкхено керттерчарех да аьнна дIаоттадаь хIама да, наьха унахцIено лораяр.
Цунга хьежжа, бахархошта лоаттабе беза вай лаьтта хьалкхебаь, воаш доал даь сомаш. Цу гIулакха мел эшар долаш да вай мехка, иштта ерригача Къилбаседа Кавказе а. Из беш дIаювш баьхкараш цу балха тIа лакха говзал йола, Балкхарой мехкара бийха къахьегамхой ба. Вайцигарча болхлошца цхьана дIабихьаб цар из беркате болх.
БIаьстан хьалхарча бетташка гаьнашта молха тохаргья, цул тIехьагIа дIахьоргба ца эша ткъовронаш дIатедаш бола болх.
ХьатIадоагIача шера вай укхазара шортта беркат чуэцарга сатувсаш да тхо. Деррига а Даьла къахетамца хьаотташ ма дий», — аьлар Оздой Заьлмахас.
