«Сона хов се малав» яхача яхьашка котало яьккхар вай мехкахочо
«Сона хов се малав» яхача яхьашка эггара дикагӀа йола сценарий язъяьраш белгалбир Красноярске. «Аз доаккхал ду сай мехкахоех» яхача номинацех, шоллагӀа лоархӀам бола лауреат хилар Къаман кхоллама цӀен болхлочох АбдурзаковгӀор Аьсетах.
«Авторски сценарех латташ, яхьаш яр дӀайихьараш. МоллагӀча ханага кхаьчача сага лаьрхӀа дола балхаш дар дакъа лоацарий дӀахьокха дезараш. «Даьхени сигалени хетадаь вахар» яха сай сценарий яхьийтар аз кхеле багӀарашка. Из Дагалоаттама сайре хетаяь я, тӀема шерашка цӀихеза лётчик хиннача вай мехкахочунна, Галашка ваьхача Къоастой Ширванена. Денал долаш, майрал гойташ чакхваьннача вай мехкахочун истори дӀаьхий да», - дийцар «Сердало» газетага АбдурзаковгӀар Аьсета.
Белгалде деза, Къаман кхоллама цӀагӀа вай цӀихезача мехкахой истори дахаргдолаш, кхувш латтараша лерхӀам беш из дӀахьоргдолаш, тӀатеӀӀа болх беш болга.
Вай къаман сий лорадеш лаьттарий цӀераш яха еза, тӀехьено тӀехьенга телаш.
