Дерригдунен фестивала викалаша кийчъяьча киносюжетага хьажарца дӀайолаелар кхетаче. Гулбеннарашта дайзар дукха кердадараш, цу кхетаченца дувзаденна керда хоамаш. Ше къамаьл деш, Сластенина белгалдир цу моттига юкъе уж дакъа лоацаш хилар мел лоархӀаме да, иштта хьалхадаьккхар сийдолаш вай хьамсара ГӀалгӀайче цига гойтар, цӀаккха а цар диц ца дар шоаш малаш ба», - йоах хоамо.

Малсаганаькъан Адама ший Дерригдунен кагирхой фестивале балха говзал ювцарал совгӀа, аьттув баьнна, 54 саг даькъалвийцар, цар таро хилар цун юкъебаха.

«Сона ловра, фестивалера цӀадаьхкачул тӀехьагӀа шо дукхагӀа хьинар долаш, доккхагӀа дола толамаш доахаш хилар. Шоашта карагӀдаьннача хIаман тӀа цӀаккха а ма совцалаш. Цхьан хана Ленина аьнна дешаш: «Деша, деша, цIаькха а деша» - уж хӀанз а лоархӀаме да. Цудухьа лакхерча дешара моттигашка кхоачаш хила, шоашта ховш дар кхы а дукхагӀа дегӀадоаладе», - аьлар кагирхошта хьехам беш Фурсов Олега.