Экажкъонгий-Юрта яха кхалсаг латкъаш яр нах дIа-хьа автобусаш таац юрта, цул совгIа, балхара нах цIагIа бусача деношка дукхагIа йолча хана вIалла йоацаш а хул уж яхаш.

«Из доацаш, Iуйранна эггара хьалха юрта йоагIа автобус 7: 25 йоагIа, балха дIатIакхача беза нах тIехьа бус цунца. Ханнахьа балха кхача гIерташ таксешца лела таро яц дукхагIа барий. Цу гIулакхо тха вахара геттара чIоагIа новкъарле ю», — леткъар кхалсаг. Сластенин Владимира цу гIулакха бехктокхаме болча болхлошта тIадилар, остановкий хьал тоадар, расписани хьалъоллар массе моттигашка, наха тахан новкъарле еш дараш юстарадахар.

Из тайпара хаттараш тохкаш, нийсача доахаш болх дIакхахьа беза оаш аьлар цо. Промышленностехи бувзамахи йолча министерства кулгалдеча Дорджиев Бадмайна тIадиллар, Назрань-Экажкъонгий-Юрт яхача рейса цхьаькха автобус араяккха аьнна. Хьадувцачох, из автобус кастта хургйолаш я.