Шолже Ӏамарч хьадеча моттигашка, бахархошта дӀа-юха лела паргӀато хургья
ГӀалгӀайчен Шолже Ӏамарч хьаде лерхӀача моттиге бахархошта лаьрхӀа дӀа-юха лела моттиг а хургья, яхаш, дийцар «Сердало» газетага доал деча даькъ тӀарча администраце.
«Интернета бувзамашка гӀолла лелаш ба, Шолже Набережни оала урам болча гӀишлон балхаш де лаьрхӀа хиларах бола хоам. Цу даькъ тӀа ваха хилар шахьара кулгалхо, кастлуш Шолже чкъаьрий дӀадоладе лаьрхӀа волча Йовлой Хаважаца цхьана. Цо, Ӏаьдала мах телаш, леладеш дола доазув 12 гектарал совгӀа да. Цун цхьа дакъа, из да пхи гектар хиллал дола лаьтта; толстолобик, кӀай амур, чабакх яха чкъаьра дӀаболабе лаьрхӀа дар», - йоах хоамо.
Шоай лоткъамаш тӀа наха дувцаш дола доазув, Ӏаьдала мах телаш леладеш дола лаьттан дакъа; шаьрдеш, тоадеш латт, хӀана аьлча керттерча боахама гӀишлох (шоаш хьабаьча Ӏамах) дӀакхеташ из хиларах.
Йовлой Хаважа яхачох, наха дӀа-юха лелара новкъарло еш хургдац цу даькъ тӀа деш дола гӀишлон балхаш.
