МЧСе дийцар балха тӀарча кхоачамбоацарех, уж юстардахарах
ГӀалгӀай Республике гӀолла йолча Россе МЧС ГУ кхетаче дийцар, балха тӀа нийслуча кхоачамбоацарех, уж юстара мишта доахаргда. Из хоам бир «Сердало» газета корреспондентага ювцача урхаллен зарбан болх лелабераша.
Белгалдаккха деза, дӀадахача шера баьча балха юкъе цу урхаллен цӀера духьала къовсам лоаттабеча болхлой тоаба 3079-зза яха хилар наха новкъостал де, царех: 328 – цӀиялар, 160 – ДТП, 1222 - лахара-кӀалхарваккхара балхаш,1369 - кхыдола гӀулакхаш (тӀема хьакъехьа, харц хоам баь, йоархӀаш лотаенна, кхыдараш).
Кхетаче иштта дийцар цӀерашца къовсам лоаттабеш, болх дӀабахьарах лаьца, лоӀамерча цӀера ха тӀа латтачар тоабан болх дӀаболабарах, цунна эшаш йола техника, гӀирс, кхыдолча кхоачамашца Ӏалашо ярах.
«Цу кхетаче мел дийцачоа доагӀаш дола хаттараш техкар, дӀахо болх дӀабахьара, цу юкъе дар моттигерча паччахьалкхенца бувзам лелабар а боахама кулгалхой болх дегӀабоалабар а», - аьлар республикан МЧСо.
