ГӀалгӀай къаман
юкъара газет

ГIалгIайчен Ний яха лоаман юрт тоаяра проекта, лакха мах оттабир

«АСМ Групп» яхача компане дIахьош йолча лоаман ГIалгIайчен архитектурни Ний яха юрт тоаяра йолча проекта, «ДIадахар, хIанзардар» яхача даькъе кхоалагIа моттиг а диплом а делар; Москве дIайихьача «Брестски урам тIара цIа» яхача VI Халкъашта юкъерча архитектурана фестивале.

ГIалгIайчен лоамаy хозача моттиге латта архитектурни Ний комплекс я мехка исторически, культурни тIехьале. Фестивала кхелахоша лакха мах оттабир, из проект, хоза кеп йолаш, тоаяь хиларах, цун социальни лоархIамах, архитектурни тIехьале иштта лораеш хиларах, из юха меттаоттаярах. Диплом денна хилар а, кхоалагIа моттиг яккхар а; «АСМ Групп» яхача команда лакха говзал хилар чIоагIдеш да.

Цо тIехьара тIа белгалду исторически тIехьале лорае езаш хилар, ший аргIагIа из накъайоал мехка туристически оагIув дегIайоаляра, бахархой дешара а культуран а боарам лакхбара. 

Белгалду, проекта новкъостал деш я, «САФМАР» яха дика гIулакхаш леладу ганз. «АСМ Групп» яха проект гIалгIай къаман дIадахача бIаьшерен кхерах яь гIалаш юха меттаоттаяра, уж лораяра дола балхаш дIахьош я.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде