Россе чемпионате дакъа лоацаш ба вай программисташ
08.12.2023 11:56
Москве спортивни программированех йолча Россе чемпионате дакъа лоацаш хилар 23 моттигера 190 доакъашхо. «Чкалова арена» яхача спорта доазон тӀа дӀайихьар чемпионат. «Алгоритман программировани» яхача оагӀон тӀара дӀадоладелар чемпионата хьалхара ди. Пхе сахьата йолча яхьашка ше-ше котвала гӀерташ, бар 16 тоабан доакъашхой. Из хоам «Сердало» газетага бир спорта гӀулакхах йолча министерстве.
Шоашта хьалхашка оттадаь тайп-тайпара декхараш кхоачашде дезаш ба чемпионата доакъашхой. Сиха, нийса код язъе харал совгӀа, дӀахо де дезачун уйла е, нийсагӀа хургдолча тайпара соцам бе ха деза доакъашхошта.
