75 шу даьннача Магаса вахархочун пенсеца ювзаенна бокъонаш меттаоттайир прокуратуро
Ший пенсионни бокъонаш телхаю, аьнна, латкъа венача 75 шу даьннача Магасерча вахархочо дийцачунга гӏолла, тохкама болх дӏахьош хилар мехкарча прокуратуре.
Белгалдечох, 2022-ча шера оагӏой бетта; цхьаккха бокъо, бахьан доацаш; къоаналла цунна доагӏаш дола пенси 7 эзар сомага кхоачаш лохдаьд. «Сердалога» дийцачох, пенси лохдаьд, цо болх беш хиннача моттигера алапе боарам бовзийтача справкага гӏолла. Мехка цу шерашка лаьттача юкъерча боарамал лакхагӏа алапи ийдеш хиннарг лаьрхӏав из цу моттиге. Ха яхача вахархочун пенсионни бокъонаш меттаоттаеш, болх дӏабихьача прокуратуро суде лоткъам чубелар.
Соцадаь мел лаьтта ахча хьадала дезача оттабир пенсионни ганзе багӏараш. Судо къоабалдеш хьаллаьцар прокуратуро белгалдаьр. Къахьегама ветеран волча цу сага пенсе бокъонаш меттаоттайир, 290 эзар сомага кхоачаш, соцадаь лаьтта ахча хьадалийтар из соцадаьрашка.
