Пенсионни бокъонаш телхаярах, кхайкарал даьдар моттигерча кхалсага. «Яздаьча каьхатах дӀабихьача тӀахьожама балхо хьагойтар, цу кхалсага шин бера 2021 шера бекарга, 2022 шера лайчилла бетташка, 18 шу дизар бахьанах, уж кхаба саг воацаш бисарах луш хинна пенсеш совцадаь хиннилга. Цул тӀехьагӀа, пенсионни ганзага а иштта уж деша багӀача а страховой оалаш дола пенсеш юха хьадала доладара лаьрхӀа яздаь дехар дӀачуделча, теркал ца деш дисар, цунца цхьана бокъонаш телха а еш. Прокуратуро, Россе Социальни ганзо моттигерча отделене кулгалхочунга цу наьха бокъонаш телхаяь хиларах хоам бир», - яхаш, дийцар «Сердало» газетага тӀахьожама болхлоша. Прокуратура юкъееначул тӀехьагӀа, студенташта доагӀаш хинна бахара эша ахча хьадоладелар. Царна соцадаь мел лаьттар а, иштта цу юкъа федеральни социальни оагӀорахьара тӀатехар а юкъе доалаш, ахча хьаделар, из деррига а хилар 410 эзар сом.