Наьсарен прокуратура юха а белгалдир, шахьара Ӏаьдало болх беш цахилар
24.10.2023 11:23
Наьсарен-Шахьара прокуратуро белгалдир, моттигерча Ӏаьдало ший болх беш цахилар, цу юкъе наьха а берий а вахара кхерам лоаттабеш хилар. Юха а из дош наькъашка леларашта кхерамзлен Ӏалашо яь цахилара доагӀаш дар. Воча хьале да ала деза, Наьсарен цхьан ишкола юхе наькъа бокъонаш йовзийта гӀармаш, «уллаш вола полицейски» оала наькъа оасаш цахилар, цудухьа цу гӀулакха юкъебахка безаш хилар, тӀахьожам лоаттабу болхлой. Цунах яздаьдар «Сердало» газета укх деношка. Бакъда хьагучох цу тайпара бахьан цаӀ хинна а Ӏац цига, цул совгӀа, иштта хьал цига латта дукха ха а я.
«Техкачул тӀехьагӀа гучадаьлар, Наьсарен- Шахьара №21 йолча юкъерча ишколе дӀатӀаводача, шинна оагӀорахьа «Бераш», «Машен лаьгӀъе» яха наькъа гӀармаш цалаттар. «Коталон 70 шу» яхача урамагӀа, гӀашлошта наькъа дехьабоалача хила еза карт йоацаш я. Наьсарен-Шахьара кулгалхой оагӀорахьа цу тайпара бехктокхам боацаш хиларо кхераме дерзаду боккхагӀча наьха а, иштта берий а, кхувшбоагӀарий а вахар. Наьсарен прокурора бахархой га доаккхаш, суде дӀачуелар административни бехктокхаме озаш дола дехар, даол деча даькъ тӀарча викалаша наькъа болхачар кхерамзлен Ӏалашо ергйолаш», - аьлар Наьсарен прокуратуре.
Магаса кхален судо из ма дарра хьаллаьцар. ХӀанз прокуратура хьожаргья судо дӀадехар шахьара Ӏаьдало кхоачашдой.
