Прокуратуро новкъостал дир 81 шу даьннача пенсионерканна, ший бокъонаш меттаоттае
24.10.2023 12:06
МагӀалбика-Шахьара прокуратуро новкъостал дир 81 шу даьннача пенсионерканна, моттигерча яхархочунна бокъонаш меттаоттае. ОСФР тӀахьожам лоаттабеча комиссе болх дӀабихьачул тӀехьагӀа, карарча шера наджгоанцхой бетта цхьоалагӀча дийнахьа денз, цун пенси 5 эзар сома кӀезигагӀа хилар. Цун бахьан дар 1992 шера еннача справка тӀа цхьа гӀалат цун цӀера юкъе нийсдалар.
«Из кхалсаг 1942 шера яь, цхьоалагӀча группа заӀапхо хиларах; прокурора лаьрхӀар цун бокъо суде гӀолла меттаоттае. Цун къахьегама стаж справка тӀа йолчча беса хилар а цун бокъонаш меттаоттаяр а чӀоагӀдир. МагӀалбика-Шахьара суда соцамо прокурора дӀадехаш хиннар кхоачашдир, каьхаташ тӀа латтар а заявлене тӀа латтар а цхьа саг хилар бакъдир. Судо лаьрхӀар чакхдаккхар шахьара прокуратуран тӀахьожаме хургда», - аьлар «Сердало» газетага МагӀалбика прокуратуре.
