Де доацаш яйна кхалсаг корайир Челябинскера
26.10.2023 14:53
МагӀалбика яхархо, де доацаш байнарашта юкъе йола дукха ха яр, из могаш а йолаш Челябинскера хьакорайир. Из лохаш къахьийгараш бар МагӀалбикерча полице болхлой, яхаш, хоам бу «Сердало» газетага ГӀалгӀай республике гӀолла йолча Россе чурча гӀулакхий министерствон зарбан болх лелабераша.
ГӀалгӀай республике гӀолла йолча МВД уголовни лехам беча болхлоша, Россе МВД «Малгобекский» оалача МО болхлошца цхьана, хьем боаццаш лахара болх дӀабахьарах,Челябинск-Шахьара даькъ тӀа, ардара бетта 6-ча дийнахьа денз мичай ца ховш яйна хинна кхалсаг корайир. Из Челябинска УМВД Советски кхален полице отделе Ӏочуйигай. Цу кхалсага яхачох, цунна духьала бокъонаш телхаеш дола хӀама хиннадац», - аьлар тхога хоам баьчо.
