Шоашта Ӏалам мишта довз хьажа хьийхаб республикан бахархой
Ерригача Россе дӀахьош долча экологически диктанта юкъе дакъа лаца бех бахархой, укх бетта 9-26-ча деношка. Дерригача дунен рециклинга денна хетабаь болх ба из. «Сердало» газетага из хоам бир Ӏалама гӀулакхех йолча министерстве.
«Экодиктант.рус яхача портале гӀолла онлайн оагӀонца дӀахьоргда диктант. Дакъа лаца ийш йолаш ва моллагӀа саг», - йоах тхогарча хоамо. 25 хаттара жоп луш, бахархошта довзаргда Ӏалама хьал лорадарах дола лоархӀамедараш.
Нувхех, Ӏалама зе деш мел йолча хӀамаех аренаш мишта лорае еза ховргда дакъа лоацарашта. Рециклинг оал, нувхаш, кхыйола ца эша хӀамаш чакхйоахаш, царех керда хӀамаш хьаеча балхах.
Геттара лоархӀаме, эшаш болх ба из ерригача моттигашка. Хаттарашта жоп луш белгалбаьннарашта дипломаши сертификаташи лургда.
