Путина могадир, юртарча лорашта ахчанца новкъостал дар
14.12.2023 14:07
Путина хьалхадаьккхар, юртарча лорашта «Земски лор» яхача программах луш дола ахча лакхдар. Из аьлар мехка Президента, йийллача эфире мехкахошца къамаьл деш, ше цхьан хаттара жоп луча хана.
«Россе Президента хьалхадаьккхар «Земски лор» яхача программах луш дола ахча 2 миллионага кхаччалца – лорашта, иштта фельдшерашта - миллион хила деза, аьнна», - йоах хоамо.
ГIулакх довзараша яхачох, российски кулгалхочунгара хьадоагIа лоархӀаме гIулакх да из, дӀахойодача хана цо таро хулийтаргья юртарча моттигашка лорий дарбаш дара болх тоабе.
Из ахча луш хиларах, къонача лораша шоай цхьадола вахара хьашташ кхоачашдергда, болх дикагӀа дӀа а хьоргба.
