Бахархой тӏаийбеча дийнахьа пхи дехар тӏадера, Шолжа-Шахьара мэр волча
01.04.2026 15:32
Шолжа-Шахьара да волча ӏумаранаькъан Асланаца хиннача кхетаче, шоай вахарерча кхоачамбоацарех дийцар бахархоша. Из хоам «Сердалога» бир шахьара администраце зарбан болх лелабераша.
«Лаьттан доазошца, шахьара моттигаш тоаярца, вахара оагӏонцарча политикаца дувзаденнадар бахархоша хьакима тӏакхихьа хаттараш. Бокъонга хьежжа, цар хаттараш доашхаш, де дезар хьалхадоаккхаш болх дӏабихьар ӏумаранаькъан Аслана. Иштта ший болхлошта тӏадиллар цо тӏаденача хаттарий ларах болх дӏахьоргбола кхел вӏашагӏйолла аьнна», - йоах тхога бенача хоамо.
