Кхален судо дувцаргда, керттерча директора карагӏдаьнна зулам
Ахчан пайда тӏабоагӏача моттига керттера кулгалхо Гӏалгӏайчен суда хьалхашка жоп дала оттаргва, доккха къоал дарах. Из хоам бу «Сердало» газетага ГӀР тӀахьожам лоаттабераша.
Республикан Шолжа кхален прокуратуро чӀоагӀдир, «Русстрой» ООО керттерча кулгалхочунна бехк беш дола уголовни гӀулакх. Из дувзаденна да къоал дарца. Уголовни гӀулакх хьадийллад ГӏалгӀай Республике гӀолла йолча Россе УФСБ хоамех.
«Тохкама балхо хьагойтачох, 2019 шера маьтсела бетта, моттигерча Ӏалама тароний, экологен Министерствос цу ахчанца ювзаеннача моттигаца паччахьалкхен бартчӀоагӀам бир, «Эбарга-Юртарча Шолжа хи тӀа Советски урама доазув долча моттиге цӏенхашта хӏама тоадара болх бергба аьнна, цун мах бар 13 млн сом», - йоах хоамо.
Цу юкъе, из контракт кхоачашъеш, болх бечар керттерча кулгалхочо хьабаь баьннача балха мах лакхбир 1 млн сом совгӀа. Из ахча цо ший гӀулакха дӀадахийтар. Уголовни гӀулакх дӀадахьийтад тӀахьожамхоша ГӀР Шолжа кхален суде.
