ГУПе хьалхара дIаювча хIамашта лаьрхIа хьакъоастадаьд 20 гектар лаьтта. Цу тIа хьалкхеяьй кабуц, хохаш, столови оала бурак, моажолгаш, нарсаш, томаташ, баклажанаш, кIомдар а мерздар а сибаз, цхьан шерара баьцовгIаш.

ХьатIадоагIача шера, боахаме лерхI 50 гектар лаьттана доазув хилийта.

«Республика Кулгалхочо, «Беркат» ГУП, масала эца йиш йола боахам ба аьлар.

Укхаза гуш да,боккъонцахьа волча, фусам-даь кулг дика кхеташ хилар, цунна дика хов баьцадаараш мишта кхеде деза. Укх боахамерча хьалаша, со гIадвигар. ХIана аьлча, укхаза даьха толамаш дика дар. Еррига а продукци экологега диллача цIена я, нитраташ а ГМО а йоацаш я», — аьнна белгалдир, республика Кулгалхочо.

Йийллача ара грунт оалача хьисапе дIадувш долча доазонга диллача, деррига а республике гIолла из да, 326 гектар лаьтта.

«Баьцадаараш дIадера ГУП хьакъоастадаьр 77 гектар лаьтта да, хIаьта кооперативашта — 74 гектар, КФХ — 175 гектар.

Хьалхарча хьувкъамо гIадвуг: томаташ — 770 тонн, нарсаш — 715 тонн, бурак — 600 тонн, моажолгаш — 280 тонн, хохаш — 1200 тонн, кабачкаш, баклажанаш — 400 тонн, саьмарсаькх — 350 тонн, баьццара хох, баьцовгIаш, балгарски оала сибаз, мерза хьажкIаш — 120 тонн.

Укх шера, хьалхашка оттадаь декхараш кхоачашдир. ХьатIадоагIача шера доазув, 400 гектарага кхоачаш дукхагIа де лерхI.

Шоай гIулакх дика дIахьош, хIамах кхеташ болча ГУПа фермерашта, массаза а Iаьдала оагIорахьара новкъостал хургда», — аьлар ГIалгIайчен Кулгалхочо.