Эггара чIоагIагIа дешархошта дагадоаллар дар, малагIа профессеш эш тахан вай республика, фу Iомадича, фу дайзача аьттув болашагIа, беркатегIа хургда вайна массанена. Кхетаче иштта хьоахадир, тахан ца дийцача харцахьа хургдола наьна меттах дола дош.

«Мотт дIабаларца дIадоал къам а хаьдда. Ший ботт бицбелча фуд цунга дусар ший хIамах?! Дувцалга а доацаш халахет вай метта хьал тахан дега чов еш хилар. Бахьан — Дала воашта хьакхоллаш хьабенна мотт вай бувцаш ца хилар да, берашца тIехьа даьша, ноаноша эрсий меттала ду къамаьл.

Дуккхача къамаех, меттаех латтача боккха мехка дах вай. ХIара саго шийдар лораде деза, хийра дар хьа а ца ийдеш. Культур, мотт, Iадаташ лорадеш дIадаха деза вай, цунга хьежжа мара кхыча къамашта хьалхашка сийле а хургьяц вай. Ший мотт безар — мохк безар да!», — белгалдир вай Мехкдас Келматнаькъан Махьмуд -Iаьлас.