ГIалгIайче эггара йоккхагIа йола МагIалбикера кхалаж, 100% кхоачаш дIаяьккха яла йоал
На территории города Малгобека продолжаются работы по рекультивации самой крупной в республике свалки в рамках национального проекта «Экология». Рекультивация этой большой свалки в Малгобеке в Ингушетии завершена почти на 100%, информировали газету «Сердало» в пресс-службе Минприроды РИ.
Шахьара даькъа тIа латташ йола йоккха кхалаж дIайоаккхаш бола болх, хIанз укх сахьте, 90 процент баь баьннаб ала йиш я. Цо дIалаьца лаьттана дакъа да 20,8 гектар.
«ГIалгIай Республика Iалама министерства лаьрхIачох, карарча шера, 22-гIа ди тов бетта кхачалехьа, йиллача ханал хьалха, цу даькъа тIара нувхаш дIаяьха яргья, хIаьта цхьоалагIча денга чиллан бетта кхачалехьа цIенъяь яьнна лаьттана чIегилг хьаийца а хургья.
Российски Федераце амарах, МагIалбика-шахьара даькъа тIара кхалаж, 2019 шера, гонахьарча Iалама зе деча объектий реестра юкъе йодаш яр», — аьлар боахаме.
Из болх дIабахьарца цига таро хургья лаьтта хьаьнде а, из тоадаьчул тIехьагIа из дIа а дувш, цу тIара пайда эца а.
Говзанчаша белгалду, рекультиваци технически, биологически этапах латташ хилар. Хьалхарча даькъе чудоагIаш да: лаьтта цIендар, хьаьндар, ланшафтни балхаш дIадахьар, нувхаш хиннача даькъа тIа цIена лаьттана оаса хьарцар. ШоллагIча даькъе хургда, баьццара гаьнаш дIаювш дола балхаш.
