«Наьсарен шахьаре дӀадихьар, царна юкъе хинна къамаьл. Из вӀашагӀкхетар чакхдаьккхар яр лоӀамхой тароний центр, Галай Назира кулгал а деш. 50 саг кагирхой гулбелар дӀахо де дезар довза ловш», — аьлар хоамо. Галай Назира дийцар, тов бетта 12-ча дийнахьа «Донора марафон» хьаеллаш хиларах; малагӀа дакъа юкъехьоргда «КӀай Ӏаса» яхача, бӀаргашта дика хӀама ца гуш долча берашта лаьрхӀа дӀахьоча фестивала. Из хӀара шера ГӀалгӀайче дӀахьош я, тов бетта 15-ча дийнахьа мехкашкарча кагирхошта юкъе. Дагадоацаш вена хьаьша хилар дукхача кагирхошта, цига нийсвеннача кагирхой гӀулакхех йолча ГӀалгӀай комитета кулгалхочох Малсаганаькъан Адамах. Цо жоп делар гулбеннарий хаттарашта, уж дувзаденна дар деша оттарца, иштта «Кагирхой цхьанкхетарий цӀенош» хьаделларца, кхы дӀаходолчунца. «Сона хоза хет кагирхошка ладувгӀаш а цар яхачох кхеташ а. Кагирхой хьашташ кхоачашдара хаттараш федеральни даькъ тӀа да, оаха массахана а къахьег тхоай лоӀамхой хьалаш тоадара», — аьлар Малсаганаькъан Адама.