Газа сектора дохьийтача новкъостала юкъе, дакъа лаьцар росгвардейцаша
23.11.2023 10:51
Газа секторе бахача палестинхошта гӀо де юкъебаьхкар, вай мехкарча Росгварде болхлой. Из хоам «Сердало» газетага бир цигарча болхлоша.
«Вай массане хьаллаца дезаш доккха гӀулакх да ер! Халача хьале эттача бусалба нахага хьажа декхарийла да вай. Дог тийша ва со; вай новкъостал царга дӀакхоачарг ма дий, аьнна.
Дала аттачахьа доаккхалда цу наьха хьал!» - аьлар полице полковник волча ТӀоаршхой Ӏамархана. Магасерча цу гӀулакха хьаяьча моттиге дӀачуделар росгвардейцаша шоаш гулдаьр.
Наха гӀо деш йолча «Тешам» яхача ганза кулгал деча Къоастой Ахьмада доккха баркал аьлар цу наха, вай Мехкадас кхайкадаьр росгвардейцаша эггара хьалха хьаллацарах. Даьла къахетамца тоалулда цу наьха вахар!
