ГӀалгӀай къаман
юкъара газет

Кердадараш

Росгвардейцаш бахар, Эбарга-Юртарча цIен-интерната бераш долча

Росгвардейцы Ингушетии присоединились к замечательной всероссийской акции «Чужих детей не бывает», побывав у воспитанников Троицкого детского дома-интерната, информировали газету «Сердало» в пресс-службе федерального органа исполнительной власти.

«ГIалгIай Республике гIолла йолча Росгварде урхаллен болхлой, иштта тIема гIулакх леладераш, ерригача российски моттигашка дIахьош долча гIулакха юкъе дакъа лоацаш, баха хилар Эбарга-Юртарча берий цIа-интернат йолча, цигарча берех бIаргтоха а, цар дог хьаста а дагахьа», — йоах хьабайтача хоамо.

Росгвардейцаша шоашца цига йийхаяр, цу берашта лаьрхIа, безам тIагIоргболаш кийчъяь кхоллама программа йола театра коллектив а. Бераш чIоагIа гIаддахадар, цецдалар юхь тIара ца довш, тIаийцар цар из тоаба а цар гойтар а. Геттара хоза хийтар, ахкаргашца цар оттадаь ловзар.

Росгвардейцаша берашта совгIаташ делар, цигарча болхлошта баркал а аьлар, цар иштта берий терко ярах, уж царга хьожаш хиларах.

«Таханарча кхетачено хьагойтар, мел чIоагIа эшаш да цу халача вахара хьалашка нийсденнача берашта иштта терко яр. КIеззига мара тхо хиннадеце а, цIаккха а дицлургдоацаш, дег чу дисар из берашта», — аьлар Росгварде тIема гIулакха тIа йолча Сампенаькъан Салимас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде