Совещане дакъалоацаш хиннача, Роспотребнадзора доазон тIарча отдела кулгалхочо, Дзараханаькъан Адама дийцар гулбеннарашта, омикрон яха лазар дIа-юха даржаш хуле, мел кхераме да.

Цо белгалдир, из лазар кхычул чIоагIа даржаш хилар. Роспотребнадзора яхачох, лазар корзагIдоала ха, цхьан денгара ялх денга кхаччалца я. ДукхагIча даькъе из тара да грипп оалача лазара — из кхийттар дегI дIадаьнна а, къамаргаш даьрлуш а, дегIаца 38 градусага кхоачаш, йIовхал йолаш хул.

Дзараханаькъан Адама белгалдир, вакцина яьрашта лазар ла аттагIа хилар.

Лазарца дувзаденна эттача халача хьало тIахьех, лазарах лоравалара болх чIоагIбара.

МагIалбика района администраце кулгалхочо, Долтмарзанаькъан Хьамзата, юртий, районни администрацей кулгалхой, иштта района чуйоагIача урхалений, организацей кулгалхой тIахьех, Роспотребнадзора яхар деш хилара.