Гӏалгӏайчен Росреестро, УФНСо чӏоагӏбу боахамашта юкъера бувзам
Гӏалгӏайчен Росреестра Урхаллен кулгалхочо Борисов Андрейс УФНС республикан кулгалхочунца Сидельников Евгенеца йийцар бувзам лелабара оагӏув.
Балха хьал дувцаш, шин оагӏоно белгалдир боахамашта юкъера бувзам лелабара хьал. Къаьстта цар терко тӏаяхийтар, республикан бюджете хьачубоагӏаш бола пайда лакхбара йоал гулъеча балха.
«Росреестра, йоала гӏулакх леладечо цхьана болх беш хиларо доккха дакъа дӏалоац ЕГРН хоамаш бӏарчча а, тешшаме а хилийтара. Цхьана дӏахьоча балха таро хул учётно-регистрационни балха дикал лакхъе, цо новкъостал дергда боахамий гӏишлош пайда беш хилийтара», - аьлар ше къамаьл деш Борисов Андрейс.
Шийгара Сидельников Евгене тӏатехар, ЕГРН база дика хьалйиза хилар ӏаткъаш да йоала гӏулакха. Цо новкъостал ду йоала таронаш хьаелла, иштта республика вахара-экономически оагӏорахьара дегӏайоалае.
Юххера а, кхетаче йоалаш кулгалхоша барт бир шоайла бувзам лелабе, цхьана кхетаченаш дӏаяхьа, боахамаш леладеча даькъ тӏара болх аттача баккха.
