«Къилбаседа Кавказа россеташа» хьалхадоаккх, «харц энергетикаша» тийшаболх лелабеш хилар
«Къилбаседа Кавказа россетий» болхлоша хьалхадоаккх; ГӏалгӀайчен, Къилбаседа Кавказа федеральни даькъ тӀа бахача наха тийшаболх лелабеш, каст-каста телефон тохаш хилар. Зуламхой, шоаш компане филиала болхлой болаш санна «Доалахьарча кабинета», «Госуслуги» оалача интернет-портала тӀакхача гӀерт, мах боацаш шоаш цига цхьацца хьал хувцаш санна дола бахьанаш а лехаш.
Цул совгӀа, «харц энергетикаша» маьхах электрически гӀирсаш тоадеш дола балхаш а ду шоаш оал, нах Ӏехабеш.
«Къилбаседа Кавказа россеташа» хоам бу, шоай болхлоша цу тайпара телефонаш нахага етташ, цар каьхатий хоам хьабехаш дола гӀулакх леладеш цахиларах. Компане дехар ду сакхетаме хила, тийшаболх лелаберашта карагӀоргдоацаш.
Нагахьа санна абонентий хаттараш дале, цар таро я укх номерах телефон хьатоха 8 (800) 220-0-220, иштта тешама телефон 8 (928) 220-75-69, «Къилбаседа Кавказа россеташ» яха ПАО филиалий фусамашка хьабахка а йиш я.
Цу берригача хоамах боагӀаш бола тӀахьожама болх дӀахьоргба. Тийшаболх баь моттиг гучайоале, из гӀулакх дӀалургда дӀахо тахкара, бокъонаш лораеча моттигашка.
