«2024 шера «Ингушэнерго» филиала тоадара балхаш дӀахьош дӀадодаш дола ахча тӀакхийттад 90 млн сом дукхагIа - из да 235,4 млн сомага кхоачаш. Из болх дӀабихьачул тӀехьагӀа, электроэнерге балха нийслуш дола кхоачамбоацараш кӀезигагӀа хургда.

Цул совгӀа, электросеташа лоаттадеш дола гIулакх а дикал йолаш хургда», - аьлар республикан кулгалхочо Келаматанаькъан Махьмуд-Ӏаьлас, цу даькъ тӀа бе безача балхах дувцаш.

Цо белгалдир, мехка хӀара шера хьалъеш я керда цу мугӀарера гIишлош, цунца цхьана белгалдоалаш да тӀехьара тӀа низ эшаш хилар.

Йолаш йолча электросетей дикалах тийша да, цар болх тешшаме хилар.

Тоадара балхашца цхьана, массайолча кхален «Ингушэнерго» филиала электросетешка дӀахьоргба кхоачамбоацараш хургдоаца болх, из бахьан долаш, Ӏомабала таро хургья говзанчий а болхлой а; кхыча, сиха гӀо деча нахаца балха говзал а екъаш.