Ростоверча яхархочох дегабуам бу, гӀалгӀай хьакима кхаъ беннаб аьнна хеташ
ГӏалгӀай Республике гӀолла йолча тохкама комитета гучадаьккхар, Ростовски областе дӀаязъяь йолча ООО керттерча кулгалхочунна кхаъ бала гӀертара гӀулакх. Цох хоам бир боахама зарбан болх лелабераша.
Хьалха хьадийлла хинна уголовни гӀулакх тохкаш, бокъонаш лораераша белгалдир, дегабуам беш йолчо, цун цӀи хӀанзарчоа йоаккхаш яц, 2022, 2023 шерашка, ГӏалгӀай Республикан паччахьалкхен бюджетни урахаллен викала ахча делар. Из да 60 эзар сом.
Тохкамхоша яхачох, из кхаъ луш бар кепа тохаш йола продукци хьаярах барт беш; иштта, цхьаккха кхоачамбоацар юкъе а доацаш, йистебаьнна болх дӀаэцарах.
ХьалхагӀа, цу кхалсага духьала уголовни гӀулакх хьадийлладар, цу тайпара моттиг нийсъенна хиларах, цу юкъе боккха кхаъ бенна хилар а долаш. Хӏанз из деррига а цхьана чулоацаш да цу гӀулакха юкъе, тохкама болх дӀахо дӀахьош ба.
Теркал ца веш висанзар кхааш ийдеш вар а - паччахьалкхен бюджетни урхаллен гӀулакхерча болхлочунна духьала уголовни гӀулакх хьадийллад.
Из хьадийллар, ГӏалгӀай Республике гӀолла йолча МВД экономически кхерамзлен, кхааш ийдара духьала къовсам лоаттабара йолча урхаллено хьаяйтача материалашка хьежжа. Дувцачох гуш да, мел лоархӀаме ба кхааш ийдара духьала къовсам лоаттабеча, бокъонаш лораеча Ӏаьдала болх.
