Мехкадаь Администраце кулгалхочо хоржамашка дакъа лацарах дийцар
Мехкадаь, Паччахьалкхен Администрацена кулгал ду Мархенаькъан Анзор ший декхар кхоачашдеш хилар хоржамашка. Наьсарерча лицея доазон тӏарча № 620 йолча хоржамий моттиге вар из кхадж тоссаш. Ший декхар кхоачашдаь ваьлча, хоржамий моттиге из болх дӏабахьар мишта латт тохкаш, хоржамий комиссеца къамаьл дир цо.
«Паччахьалкхен Думан, республикан Халкъа Гуллама хоржамаш дӏадахьар тахан лоархӏаме, массане терко е езаш болх ба. Вай мехкадас Келаматанаькъан Махьмуд-ӏаьлас тӏадилладар массайолча моттигашкара хоржама болх боаггӏача боараме, бокъонга хьежжа дӏахьоргболаш, лакха терко еш хила, аьнна», - белгалдир Мархенаькъан Анзора.
Президента Путин Владимира ер шу Россе къамий цхьоагӏон Шу да аьнна белгалдаь хиларах тарра, хӏанзара хоржамаш къаьстта лоархӏаме, башха моттиг дӏалоацаш да вай вахаре.
Федеральни, моттигерча оагӏонцара декхараш лакхача боараме; мехках, бахархоех дог лазаш, кхоачашдергдола кандидаташ харжа аьттув ба наьха, цунга хьежжа шоай декхар кхоачашдеш, цу доккхача гӏулакха юстара боацаш хила беза нах.
