Соче хиннача къамий юкъарча Совета балха юкъе дакъа лаьцар вай мехкарча НКО кулгалхочо
25.12.2023 12:22
Соче бахача гӀалгӀай къаман культуран тоабан хьалха латтача Малсаганаькъан Аюпа дакъа лаьцар, къамий юкъарча Совета кхетаченна юкъе. Из хоам «Сердало» газетага бу къаман политикахи, бувзамахи йолча министерствон болхлоша.
«Балхаца ювзаеннача кхетаче дакъа лоацаш хиннарий къамаьл хилар, РФ президента наьха бокъонаш хьаллацарах йолча Совета доакъашхо волча Брод Александраца. Кхетаче дийцар, Соче администрацеца, Россерча къамий культураца, истореца ювзаеннача вахара проекташка Совета дакъа лацара хьакъехьа», - йоах тхогарча хоамо.
Иштта цига теркалдир, 2024-ча шера хургдола РФ президента хоржамаш, Совета доакъашхоша цу юкъе лоацаргдола дакъа, иштта кхыдараш.
