Гӏалгӏайчен МЧС кулгалхочо Магасе нах тӏаийцар
Гӏалгӏайчен МЧСа кулгалхочун декхараш кхоачашдеш волча Шишин Алексея нах тӏаэцаш ди дар, Магасерча Россе Президента Юкъарлон фусаме. Из болх дӏахьош бар СКФО гӏолла волча Президента викала чӏоагӏъяьча ханага хьежжа, яхаш, дийцар «Сердало» газетага республикан чоалханеча боахама зарбан болх лелабераша.
«Кхетаче йолаш, нах кӏалхарбахара боахама кулгалхочунга кхайкарал дир, балха оттара хаттарашца дувзаденна. Хӏара кхайкарал лаьрххӏа тӏаийцар. Цу балха денна чаккхе еш, Алексей Александровича говзанчашта тӏадиллар, цар квалификацега хьежжа уж нах балха оттабара таронаш лахар», - аьлар тхога хоам баьчо.
Цу тайпара нах тӏаэцара болх дӏахьош хилара маӏан да, Россе МЧСа болх къаьга дӏабахьар, нахаца бувзам лелабар, цар вахара хаттараш сихагӏа кхоачашдар.
