Гӏалгӏайчен РСХЦ кулгалхочоа нохчий балха поалхам яйзар
Гӏалгӏай Республике гӏолла йолча Россельхозцентра кулгалхочо Белхарой Керма дакъа лаьцар, юртбоахаме пайда эца «Иннагро» компане биопрепараташ юкъеяхарах йола семинар-кхетаче Шолжа-Гӏалий тӏа дӏахьош.
РСХЦ гӏалгӏай филиала зарбан болх лелабераша яхачох, семинар дӏаяхьарах дика балха говзал хьаэца йиш хилар, Гӏалгӏайче керда технологеш юкъейоалаеча эшаргйола. Укхаза дика толамаш гуш хилар препараташ юкъеяхара, масала, биофунгицид «Метабактерин».
Цул совгӏа, семинара доакъашхой «Даьхе» яхача теплице баха хилар, цига дӏахьоча балха мах оттабе.
«Иннагро» кампанеца бувзам лелабе лаьрхӏа да тхо. Цунца бартчӏоагӏам бергба, уж молхаш могаергья тхоай ахархошта. Кастлуш тхо лаьрхӏа да «Метабактерин», иштта ялат дика хьатӏадоалийташ йола «Плантарел» оала молхаш мишта хул хьажа республикан кхай тӏа», - аьлар Белхарой Кермас.
