Республикерча юртбоахама болхлочо федеральни кхетаче дакъа лаьцар
Вай мехкарча юртбоахама гӀулакхех йолча моттига кулгал деча Белхарой Керама дакъа лаьцар видео-гойтаме гӀолла дӀахьош хиннача кхетаче. РСХЦ кулгалдеш вола Малько Александр вар моттигашка къахьегачарца из кхетаче дӀайихьар. Дувца оттадаь керттера дош - 2023-ча шерара кхаш тӀа еттача молхашцара, гуматашцара болх малагӀча хьале латт. Из хоам «Сердало» газетага бир цу моттигерча зарбан болхлоша. Россерча юртбоахама оагӀон кулгал деча Малько Александра теркалдир, укх шера молхаши гуматаши йоаржаеш дӀабихьа болх, цу мугӀаре аьттув баьннараш.
ДӀахойодача хана, де дезараш белгалдир хьакима. Вай мехкарча юртбоахама гӀулакха хьалха латтача Белхарой Керима белгалдир, вай республике уж молхаши гуматаши хьаеш йоацилга, эшаш яраш вай Черсий мехкара хьачукхухьилга. «Черсий мехкарча филиала хьаеш йолча Псевдобактерин, Гумат Калия яхача молхашца кӀи тӀа, хьажкӀаш тӀа болх дӀахьоргба оаха. Керттера бахьан - цу молхаша ялата малагӀа пайда бу тахкар.
Гумат Калий юкъейоалаеш, 10 гектар долча доазон тӀа гурахьа дувш дола кӀа дӀадийнадар оаха. Моттигера юртбоахама болхлой юкъелоацаш, цу молхаех дар дувцаш семинар дӀайихьай оаха. Ялат чуийцачул тӀехьагӀа, цу молхаша баьча балхах дийцар оаха семинара доакъашхошца»,- белгалдир Белхарой Керама.
