ГӀалгӀайчен РСХЦ филиала кулгалхочунна сийлен цӀи еннай
«Юртбоахама даькъ тӀа дукхача шерашка овсаре къахьегарах» ГӀалгӀай Республикан юртбоахама центра кулгалхочунна Белхарой Керама «Россе юртбоахама комплекса сий дола болхло» аьнна цӀи еннай, яхаш, хоам бу центра зарбан болх лелабераша.
«СовгӀат дӀадалар хилар «Россельхозцентр» оалача ФГБУ Ерригроссе 16-гӀа совещани дӀахьош, из дар 2023 шера лайчилла бутт чакхбоалаш. СовгӀат луш вар Россе юртбоахама министерствон баьцадаарий, механизаце, химизаце, баьцадаараш лорадара департамента кулгалхо Некрасов Роман», - йоах хьабайтача хоамо.
Белгалдоаккх, Белхарой Керам, юртбоахамца ший къахьегам бувзабарах укх массехк шера дика толамаш доахаш хьавоагӀа, къаьстта РоссельхозтӀахьожаме. Цунна тешал деш да, хӀанз цунна денна совгӀат а. Цига цо кулгал ду, 2017-ча шера денз.
