Къаман политикан керда министр хьожаваьв
03.10.2023 20:28
Мехка арахьарча бувзама, къаман политикан, зарбан, хоамий министерствонна кулгал деш хургва Мизенаькъан Руслан. Цу амара кулг яздаьд ГӀалгӀайчен кулгалхочо Келаматанаькъан Махьмуд-Ӏаьлас. Дукха ха я кердача министра цу даькъе къахьега, дика балха говзал йолаш а ва, хӀана аьлча дӀадахача шерашка, министра гӀонча волаш, болх беш хиннав из.
ГӀулакхера балхаш леладаь, балха говзал йолаш ва Мизенаькъан Руслан. Ший къахьегама никъ цо дӀаболабир 2008 шера, Ставропольски края Суворовски станице минеральни хин завода «Октябрь-А» ООО коммерчески директор волаш.
Цхьан шера болх баьчул тӀехьагӀа, из дӀахьожаву ГӀалгӀайчен кхерамзлен Совета аппарата отдела кулгалхочун болх бе, кӀеззига тӀехьагӀа паччахьалкхен аппарата кулгалхо хул цох.
Тайп-тайпарча ханашка Мизенаькъан Руслана кхыдола бехктокхаме балхаш а леладаьд», - аьлар ГӀалгӀай республикан Кулгалхочун, паччахьалкхен кепайоазон болх лелабераша.
