«Дешара моттигашта юхекхоачача хана, моллагIа йола транспорт лаьгIъяла езаш я. Массаза а фийла хила беза водителаш цу моттигашка. Керда дешара шу дIадолалуш, бераш дукха хул, иштта наькъал дехьабоалаш, башха хьисап хилац цар, шоаш зIамига хиларах», — йоах хоамо. Сийрдача басарца хьекхача наькъа тако берашта таро лу дикагIа наькъа хьал теркалде, кхерамзленна Iалашо е. Из деррига берашта деша аха а юха чубаха а кхераме хургйоацаш деш да.