ГӀалгӀай къаман
юкъара газет

Кердадараш

Карарча шера шин бетта 13 дов дӀадаьккхад

ГӀалгӀай мехка 2024 шера, наджгоанцхой бетта 1-ча дийнахьа денз тушола бетта 1-ча денга кхаччалца йолча хана, наха юкъе барт беш йолча комиссе 13 дов дӀадаьккхад, яхаш, дувц «Сердало» гезетага республикан миннаце.

«АргӀанара йоаца комиссе кхетаче хилар, Магасерча керттерча маьждиге. Кхетаче дӀахьош, барт бара йолча комиссе доакъашхоша дийцар карарча шера, наджгоанцхой бетта цхьоалагӀча дийнахьа денз тушола бетта цхоалагӀча денга кхаччалца йолча хана, наха юкъера довнаш дитара дӀабихьача балхах.

ГӀалгӀайчен Кулгалхочун барт бара йолча комиссе из болх дӀабахьарах, таро хилар сага цӀий хьаьрча дола 13 дов дӀадаккха, уж нийсденнадар цхьаццадолча вахарерча хьалашта, наькъа хулаш долча зуламашта тӀагӀолла», - йоах хоамо.

Цу барт бара йолча комиссе керттера декхар да шоайла къовсам лоаттабеш йола ши оагӀув бартайоалаяр, Российски Федераце закон нийса леладой хара бола болх дӀабахьар, наха юкъе нийсденна хатар кӀоаргцадалийтар. Комиссе беш бар боккха болх ба, машар хилийтара тӀехьа а, нах шоайла ӀимерзагӀа бара тӀехьа а.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде