ГӀалгӀай къаман
юкъара газет

Кердадараш

ГӀалгӀай мехка, ер шу дӀадоладелча денз, цӀи яьнна 18 моттиг хилар

19.01.2024 15:51

Ер шу дӀадоладелча денз, ГӀалгӀай мехка 18 моттиг нийсъелар цӀи яьнна, цу юкъе пхи саг угарни газах цамогаш хилар, цхьаннахьа газ ийккха моттиг яр. Цу тайпара хоам бу ГӀалгӀайче гӀолла йолча Россе МЧС зарбан болх лелабераша.

Цигарча болхлоша яхачох, дукхагӀа йола цӀи яьнна моттигаш харцахьа лелабеш бола газа, тока гӀирс бахьан долаш нийслу. Из зулам ца хилийтара цу боахама болхлоша, нах бахача чу а увтташ, царна керттера бокъонаш дӀахьехаш, къахьег. ТӀехьарча хана, из болх дӀабихьар МагӀалбика кхален Заьзгакъонгий-Юрта.

«Кхерамзле хьогара дӀайолалу», - йоах МЧС болхлоша, иштта тӀахьех, цӀи ялара кхерамзлен бокъонаш йиц ца еш хилара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде