Хьехархочун шера лаьрхIа дIахьош болх ба из. Москверча хьехархой университета доцент йолча цо язбаьб 70 совгIа Iилман болх. Тахан хьехархочун балха юкъе накъадоалаш да из деррига. Хьехархой балха тIа нийслуш долча керттерча хаттарашца ювзаенна яр семинар.

«Практически, теоретически шин оагIонах латташ яр берий беша дIайихьа семинар. Цу мугIаре къахьегаш бола къона болхлой гулбеннабар цига. Берашца болх беш эшаш дола дуккха кердадараш дайзар царна, цу балхацара цхьацца говзалаш Iомае аьттув баьлар», - дийцар «Сердало» газетага дешареи Iилмани министерствос.

Иштта йола семинараш хьехархошта геттара эшаш, накъайоалаш я. «Жар-птица» оалача берий беша из дIаяхьар а, министерство лаьрххIа къоастадаь дар.