Орёле дӀайихьача армрестлингах йолча Россе чемпионате, 8 майдилг яьккхар вай спортсменаша
16.02.2024 10:31
Армрестлингах йолча Россе чемпионатера бархӀ майдилг яхьаш, цӀакхаьчар 11 спорсменах латташ йола вай мехкара тоаба. Из хоам тха «Сердало» газетага бир спорта гӀулакхех йолча министерствос.
«Чемпиоанате белгалбаларах, дунен яхьашка баха аьттув баьлар Албохчанаькъан Ахьмада, Тебой Мусай, Хьулахой Ислама. 65 кийла дозал долчарца аьрдига кулг гӀортадаь дошув даьккхар Албохчанаькъан Ахьмада, аьттига кулг гӀортадаь - дотув.
Цул совгӀа, 65 кийла дозал долча борза майдилг яьккхар спортсмена. 85 кийла йолчарца къовсавелча, Тебой Мусайна дотув кхаьчар. КхоалагӀча моттиге Элденаькъан Амаль хилар - 65 кийла ярашта юкъе котало яьккхар цо», - хоам бу тха газетага.
