Черкесскера пхи майдилг яхьаш, цӏабаьхкар вай боксёраш
13.05.2026 11:08
Черкесске дӏайихьача боксах йолча йийллача яхьашкара, пхи майдилг яхьаш цӏабаьхкар гулъяьча вай тоабан боксёраш. Из хоам «Сердалога» бир цу оагӏонцарча министерствос.
«Шин дийнахьа дӏахьош хиннача яхьашка; шиъ дошо, кхоъ дото майдилгаш йоахаш, белгалбаьлар вай боксёраш. Къарший къам мехка даьнна 69 шу дизара хетаяь йола яхь лоархӏаме хилар СКФО ерригача моттигашкарча бахархошта.
Могушканаькъан Муса (2012 шу), Чахкенаькъан Мухьмад (2012 шу) лакхерча лагӏа тӏа баьлар.
Дото майдилгаш ӏоэхкар Кокурхой Камала (2010 шу), Тӏоаршхой Мухьмад-Ӏаьла (2007 шу), Гӏазгиренаькъан Джамалейла (2007 шу)», - дийцар тха газетага.
Цу оагӏонцарча Федераце белгалдечох, спортсменаш дикка кийчо яь бар.
