Мехка столице Магас-Шахьаре кхаь оагӀорахьара кхетаче хилар, цига дакъа лоацаш бар Россе Кхерамзлен Совета секретарь Патрушев Николай, Россе президента СКФО гӀолла викал ваь Чайка Юрий, ГӀалгӀай Республикан Кулгалхо Келаматанаькъан Махьмуд-Ӏаьла», - йоах хоамо.

Иштта РФ Совбеза секретара балха чудоагӀаш да, дӀахо кхетаченаш дӀаяхьар. Къилбаседа Кавказа федеральни куранна чуйоагӀача моттигий кулгалхой, федеральни куран исполнительни Ӏаьдала викалаш, Россе Президента администраци, РФ генеральни прокуратура, республикан Ӏаьдала викалаш, исполнительни Ӏаьдала федеральни а доазон тӀара а органий викалаш, РФ моттигий паччахьалкхен Ӏаьдала болхлой хилар цига дакъа лоацаш.