Россе Совбеза секретара Магасе дийцар лоархӀаме дешаш
Россе Кхерамзлен Совета секретарь Патрушев Николая балха тӀехьа кхетаче хилар ГӀалгӀай Республикан Кулгалхочунца Келаматанаькъан Махьмуд-Ӏаьлаца, цига дийцар керттера хаттараш, яхаш, хоам бу «Сердало» газетага ГӀалгӀай Республикан кулгалхочун зарбан болх лелабераша.
«Цу кхетаче дакъа лоацаш хилар РФ Президента СКФО гӀолла викал ваь Чайка Юрий. Мехка вахара-экономически хьал тоадарца, керда проекташ кхоачашъярца дувзаденна хаттараш дар дийцараш. Къаьстта теркам тӀабахийтар СВО доакъашхошта, цар дезалашта новкъостал лоаттадара. Иштта техкар ГӀалгӀайчен транспорта, энергетически, тайп-тайпара вахара хьашташ кхоачашду урхаллений гӀишлош терроризмах лораяра дош», - йоах хоамо.
Цу лоархӀамеча кхетаче мах бир Ӏаьдала болхлоша, бокъонаш лораераша, лаьрхӀа долча гӀулакхаш тӀарча, республикан доазон тӀарча юкъара болх бераша паччахьалкхен кхерамзле лораеш даьчун.
