ГӀалгӀай къаман
юкъара газет

Кердадараш

МагӀалбике ворхӀ урам тоабергба карарча шера

«Фусам, шахьара хьалаш» яха къаман проект дика кхоачашъеш хиларах, ший куц-сибат хувцаш йоагӀа тӀема сийлен шахьар МагӀалбик. ДӀадахача шера бахархоша ворхӀ юкъара доазув белгалдир; тоаде дезаш да,аьнна. Карарча шера уж доазонаш бахархошта а хьаьшашта а лаьрхӀа тоаде лерхӀ.

«Кердайоахаргйолча моттигех да Кавказски, Шейх - Мансура, Панфилова, Покрышкина, Юбилейни, Димитрова, Переславске урамаш. Уж кастлуш дийнлургда хоза тоадаь хиларца, укхаза уж тоадеш дола балхаш дӀахьоргда, шахьара дика хьалаш хьакхолларгда», - аьлар «Сердало» газетага МагӀалбика-Шахьара администраце.

«Фусам, шахьара хьалаш» яха къаман проект Россе шахьараш тоаяра, уж хозагӀа хилийтара, наьха вахар кхераме доацаш хилийтара тӀахьехаш я. Къаман проект хилар бахьан долаш, ГӀалгӀайчен юрташ хувцалуш йоагӀа, уж салаӀара а вахара а дикагӀа хьалаш долаш хургья.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде