Сенатора дешархошка дийцар наьнаца лелабе безача лерхIамах, сага вахаре нана эггара бочагIа йолгах. «Къаьстта нана я дезалхочоа массе хана улув латтар, цун хьашташ кхоачашдер, массе хана цун тIехьа сагот дер. Нана я мехка эздий къонгаш, мехкарий кхебер. Укх шера Россе президента указах юха юкъе яьккхай «Нана-турпалхо» яха, итт, е дукхагIа бераш даьча нанна луш йола цIи.

Из геттара лоархIаме да! Вай ноаношта цхьаккха хIама кхо дац цар хьега къа дистача. Вай вахар сийрда лоаттадераш ноаной ба!», — язду ший Телеграмм-канале сенатора. Вай мехка ноаношта хетадаь ди дезду лайчил тIеххьарча кIиран дийнахьа. Дагалоаттае нана массе хана! Наьнацарча безамга цхьаккха хIама кхоачаргдац!