Наьсарерча №22 йолча ишколо накъабаьхар дийша баьннараш
«Наьсарен-Шахьара СОШ-ДС-№22» ГБОУ хилар тӀеххьара гургал тохара хетаяь кхетаче, из лоархӀаме а дагалоаттама а ди дар. Цу дено, дешара шу йистедалар хьагойташ хиларал совгӀа, кагирхой кердача вахара наькъ тӀа боахаш хилар а белгалду.
Ловца боаккхача дешашца дешархошка къамаьл дир ишкола кулгалхочо Чопанаькъан Мухьмада Тамарас. Цо белгалдир из лоархӀаме хилар, иштта ловца баьккхар ишкол яьккха дӀаболхараш дикача наькъ тӀа бувцаш, экзаменаш дӀаялара тӀехьа аьттув хилар ловш.
«Шоана хьалхашка хьаеллаш я боккхача вахара наькъ тӀа воаккхаш йола таронаш, диц ма делаш дешара шераш, шоай хьехархой, хьамсара шахьар», - аьлар цо.
Къаьстта из цӀай хоздеш йола оагӀонаш гойтар цхьоалагӀча классе деша дагӀача бераша. Цар гулбеннарий сапаргӀатадаьккхар шоай екача оазашца байташ ешаш.
Дийша баьннараша баркал аьлар шоай хьехархошта, иштта гойтар дика кийчо яь хилар. Даькъала бувц беррига дийша баьннараш цу лоархӀамеча денца, иштта лов цар дика экзамен дӀачуялар, хургдолча шоай вахарера нийса никъ лахар.
